Dəxi
Azerbaycan Türkçesinin Açıklamalı Sözlüğü (Orucovun, 2006)
dəxi
köhn.
1. Bax da1 1 və 2-ci mənalarda. Saqiya! Saldı qəm əldən məni, bir badə yetir; Həm bu dünyada mənə, həm dəxi üqbadə yetir. Heyran xanım. Sona dəxi [Bahadırın] halını hiss etdi. N.Nərimanov. İndi dəxi haman mətləbi təkrar edib deyirik ki, kəndlərimiz müəllimsiz və mürəbbisiz qalıbdır. F.Köçərli. Qurd-quş dəxi girmiş aşiyanə; Çökmüş də həzin sükut cəhanə. A.Şaiq.
2. Daha, artıq. Elə ki taxıldı burnuma çeşmək; Qocalıq əl verib, dəxi nə etmək.. M.V.Vidadi. Eylə bilirdim ki, dəxi sübh olub; Mürği-səhər tək bir ağız banladım. M.Ə.Sabir. Dəxi bundan artıq .. gücüm heç bir şeyə çatmır.. N.Vəzirov.
Azerbaycan Türkçesinin Sinonimler Sözlüğü (Çakıroğlu, 2013)
dəxi
daha, artıq
{daha, fazla}