daň
Türkmencenin Açıklamalı Sözlüğü (Kyýasowa, 2016)
daň
at. Gün dogmazyndan öň howanyň ýagtylyp başlaýan çagy, jahan, ýalançy ýagtylyp başlaýan pursat. Goşgy daňyň ak süýdüne ýugrulýar, Ýatany ýerinden galdyrmak üçin (B. Hudaýnazarow).
‣ Daň agarmak gündogar tarap ýagtylyp başlamak. Daň atmak jahan ýagtylyp ugramak. Hanha, iňrik ýere ýazylyp barýar, Bilýän, bir ýerlerde eýýäm daň atdy (G. Ezizow). Daň saz bermek daňyň atýany bildirip başlamak, Günüň dogýan ýeri ýagtylyp ugramak. Görse, eýýäm daň saz beren eken (“Görogly”). Bu güpür-tapyrlyk daň saz berýänçä dowam etdi (Gurbanguly Berdimuhamedow. Älem içre at gezer). Daň tilki guýruk bolmak ýaňy daň bildirip ugramak, daň saz berip başlamak. Daňyňy atyrmak daňa çenli oturmak, daňa çenli garaşmak.