KƏMƏRLİ
Azerbaycan Türkçesinin Açıklamalı Sözlüğü (Orucovun, 2006)
kəmərli
I. sif.
1. Belinə kəmər, qayış, belbağı və s. bağlamış; qurşaqlı. Ağ çuxalı və ağ arxalıqlı, ikiüzlü Buxara dərisindən papaqlı, şişman göbəyi üzərində gümüş kəmərli Mirzə Səfəri hamı tanıyırdı. Ə.Haqverdiyev. Əmin qəsrində xəlifə tərəfindən təyin edilən qızıl kəmərli qulamlar, zümrüd və yaqut xalxallı cariyələr və zərinələrə bürünmüş kənizlər Azərbaycan heyətinə xidmət edirdi. M.S.Ordubadi. // Belinə kəmər tikilmiş, belində kəməri olan. Kəmərli paltar. – ..Təzə uzunboğaz çəkmələrdə, qalife şalvarda və iki döş cibi olan beli kəmərli, yaxalıqlı köynəkdə Şirzad yaraşıqlı idi. M.İbrahimov.
2. Belində qurşaq, kəmər və s. olan; çənbərli. Kəmərli çəllək.
II. sif. zool. Kəməri olan (bax. kəmər2 2-ci mənada). Soxulcanların arasında qırmızımtıl kəmərli olanlarını tapıb, kəmərin 32-ci halqa ilə 37-ci halqa arasında yerləşdiyinə fikir verməli. C.Cəbrayılbəyli.
III. sif. Üzərində kəmər kimi çıxıntısı olan; tağlı. Kəmərli pəncərə.
Azerbaycan Türkçesinin Sinonimler Sözlüğü (Çakıroğlu, 2013)
kəmərli
toqqalı, qayışlı
{tokalı, kayışlı}
Pamukkale Azerbaycan Türkçesi - Türkiye Türkçesi (ADT versiyonu)
kəmərli
kemerli