Katiblik
Explanatory Azerbaijani Dictionary (Orucovun, 2006)
katiblik
is.
1. Katib vəzifəsini aparma. İlk təşkilat işlərini aparmaq üçün Abdulla Şaiq, Salman Mümtaz və məndən ibarət olan üçlük təşkil edilmişdi. Katiblik mənim öhdəmə buraxılmışdı. A.Səhhət.
2. Hər hansı bir təşkilatın, idarənin təşkilat və icra mahiyyətində olan, cari işlərini aparan şöbəsi. Birləşmiş Millətlər Təşkilatının katibliyi. // top. Bu cür şöbənin işçilər heyəti.
3. top. Protokol işlərini aparmaq, qərarlar hazırlamaq və s. üçün yığıncaqda, konfransda və s.-də seçilən şəxslərdən ibarət heyət. Nümayəndələr konfransın rəyasət heyəti və katibliyini seçdilər. – [Rza Qəhrəmani Firidunə:] Buyur, əzizi-mən, gör gələcəkdə yeni dövlətin vəziri olsan, məni katibliyə götürərsənmi? – deyə zarafat etdi. M.İbrahimov.