pərvanə
Explanatory Azerbaijani Dictionary (Orucovun, 2006)
pərvanə
is. [fars.]
1. Adətən işığın ətrafına dolaşan kiçik gecə kəpənəyi. Məndən öyrənibdir oda yanmağı; Düşəndə xəbər al pərvanələrdən. Q.Zakir. [Ərəstu:] Pərvanə vurğundur işığa, nura. A.Şaiq. // Ümumiyyətlə, kəpənək.
2. bax. pər 4-cü mənada. Növbə Kamala yetişəndə o, əlindəki modelin pərvanəsini buraxdı.. M.Rzaquluzadə. ‣ Pərvanə kimi (tək) başına fırlanmaq (dolanmaq) – həddindən artıq sevmək, istəmək, mehribanlıq göstərmək, nəvaziş etmək, nazlamaq, əzizləmək. Günəş, Arazın ciyərlərini sağaltmaq üçün onun başına pərvanə kimi dolanır. A.Şaiq. Vaxt məni pərvanətək başına dolandırır; Dünən qanmadığımı bu gün mənə qandırır. B.Vahabzadə.
Pamukkale Azerbaijani to Turkish (ADT version)
pərvanə
pervane